Gerð veðskuldabréfa
Algengt er að aðilar geri sín á milli skuldabréf vegna ýmiskonar viðskipta.
Mikilvægt er að frágangur og gerð skuldabréfsins sé réttur ásamt því að það sé í formlegu ferli hvernig greiðslur vegna bréfsins fari fram og hvað gerist ef ekki er greitt af bréfinu.
Gjaldskil hefur um árabil séð um gerð skuldabréfa fyrir stofnanir, einstaklinga og fyrirtæki ásamt því að annast vörslu bréfa og innheimtu.
Með aðkomu Gjaldskil fæst aðkoma óháðs fagaðila til að annast gerð, þinglýsingu, vörslu og innheimtu.
Ferlið er ekki flókið;
- Sá aðili er biður um gerð bréfsins fyllir út eyðublaðið frá Gjaldskil og sendir til okkar.
- Við útbúum gögnin og innan fimm virkra daga fær viðkomandi gögnin send til yfirferðar.
- Þegar uppsetning bréfsins og upplýsingar á bréfinu eru staðfestar kallar Gjaldskil viðkomandi aðila inn til undirritunnar.
- Gjaldskil sér um að þinglýsa bréfinu og skjala það.
- Gjaldskil setur bréfið inn í skuldabréfa og innheimtukerfið.
- Gjaldskil sér um innheimtu bréfsins með stofnun kröfu í banka og ef um vanskil er að ræða sér Gjaldskil um áframhaldandi innheimtu.
Hvað er seljendalán?
Seljendalán er lán sem seljandi fasteignar veitir kaupanda sem hluta af kaupverði. Kaupandi gefur þá út veðskuldabréf til seljanda og greiðir af því samkvæmt umsömdum skilmálum. Lánveitandinn er seljandinn sjálfur — ekki Gjaldskil.
Hlutverk Gjaldskila
Gjaldskil er óháður fagaðili sem annast skjalagerð og umsýslu. Við setjum upp veðskuldabréfið og fylgigögn, sjáum um þinglýsingu hjá sýslumanni, varðveitum frumritið og annumst innheimtu afborgana. Gjaldskil veitir hvorki lánið sjálft né ráðgjöf um hvort lántaka henti aðilum; um slíkt er bent á óháða lögfræði- og fjármálaráðgjöf.
Algengar spurningar
Hver þinglýsir veðskuldabréfinu?
Gjaldskil sendir bréfið til þinglýsingar hjá sýslumanni og fylgir málinu eftir.
Hvað tekur skjalagerðin langan tíma?
Að jafnaði eru gögn tilbúin til undirritunar innan fimm virkra daga frá því að allar nauðsynlegar upplýsingar hafa borist.
Hver greiðir kostnaðinn?
Kaupandi, sem útgefandi bréfsins, greiðir þóknun fyrir skjalagerð ásamt útlögðum kostnaði, þar á meðal þinglýsingargjaldi til sýslumanns.
Er hægt að greiða bréfið upp fyrr?
Já. Heimilt er að greiða veðskuldabréfið upp, í heild eða að hluta, hvenær sem er á lánstímanum án sérstaks uppgreiðslukostnaðar.
Hvað gerist ef ekki er greitt af bréfinu?
Gjaldskil annast áframhaldandi innheimtu og, komi til vanskila, löginnheimtu fyrir hönd kröfuhafa.